AK ÇEPKEN

AK ÇEPKEN
Caşlık bizni erkeletgen künlede,
Nasıp bergen sezimlege kuvana,
Muratlanı culduzlaga caşırıp,
Aylanıyek ,caz da bizge suklana.

Sen süyüwçü ak çepkenni da kiyip,
Men ışara çıksam seni allına,
Dünya sanga artık seyir körünüp,
Kuvanç cırla cırlayedin sen manga,

Ol sagatta az da incuw bolmayın,
Har kayda da cılı ayaz urgança,
Körünüyet ekibizge kıyıllık,
Cer üsünde unutulup kalgança.

Kazavatga kanlı colga tebrey seni,
''Ak çepken bla aşır ''dedin ışara,
Ullu savga keltirrikme dep ketding
Horlam bla kelligine ışana.


Muratlarım nöger bolup keçeme,
İş üsünde künlerimi aşıra,
Saklayedim nasıbıma ışana,
Ak çepkenden korkuwumu caşıra.

CURTU ÜÇÜN CAN BERDİ dep keldi
Aman hapar cüregimi kuw ete,
''Nasıp künle allındalla,kellikle''
''Sakla meni ''degenedin sen kete.

İynanmayma ok da kelip tıyalmaz,
Közü kıymaz nasıbımı keserge,
Culduzlada asralgan muratla,
Bolluk tüyülle anda kalıp keterge.

AKDI BU GÜN ÇEPKENİMÇA ÇAÇIMDA
Seni atıng cüregimde caşayma,
Sen süyüwçü ak çepkenni da kiyip ,
Culduz uçsa anı allın saklayma.....


Cevher Yıldırım Ateş'TEN ALINGANDI