Har kıznıça cavluknu da ,bardı ençi cazuvu
Kök caznı ak tangıça,kuvançları cazuvu
Kıznı eki ingbaşında,kuş kanatça bügüle,
Ak cavluknu çaçakları,tolgun tolgun tögüle..
Abezegge hürmet koşa,Cıltıray cana toyda,
Köz kamayta nurun çaça,o anga cetgen kayda.
Çille cavluk bir cazgı kün,kız közleni bukdura,
Kirdi o toyga..toynu,harsnı
Caşla kartla cuvuktura,
Kelinçikni av cavlugu;toynu ingir comagı
Ak sakallı kartnı avzunda,algış söznü omagı.
Kün bla keçe,zaman ölçe,
Almaştıra bir birin,ötedile kaydan bilgin,
Kaysı nege eltirin...
Kaydan bilgin ma kazavat,kirdi sormay eşikden
Curtnu saklay sabiyle de,kopmazla mı beşikden?
Cangız kaldı cangı kelin,av cavlugu boynunda,
Bu gün tamla dey bilmegen,Sabiyçigi koynunda.
Tavkelligin aşıkdıra,uşap tamam tav kuşga.
Çille cavluk seni üçün da,kirdi cigit uruşga.
Aman hapar iyesin tabar,etse de igi cora
Caş kelinge pismo keldi,üç müyüşü üç cara,
Anı bla koymazlıgın sezmey antsız kadarnı,
Tangnı allına karadı,andan saklap madarnı.
Tang ata va tang atmadı,ol da boldu caralı
Ol erttenni uyattıla,it uluy bla taraluv
Uruş otnu ciltinleri,ok cagur bla kan tamçı,
Bu tangnı atmay kalganı,cürekge tiygen kamçı..
''Savkal'' derge madar bermey,tuvup ösgen cerine
Çıgardıla arbazdan,cavluk tüştü beline.
Aruv közle-tuzlu kölle,toldula terk cılamuk,
Şorka bolup kuyuldu da,cibidi çille cavluk...
''Nek keldi elsiz kıyıllık,Anası etip cuvapga:
''Kebinliginda bellinde,min cengil temir atga''
Temir col a,temir harsı,Temir harsı tohtamay,
Alıp ketti kuvum tüzüne,kim dep,nek dep karamay
Alıp ketti artda kalgan,har kıçırım kıçıra...
Alıp ketti uçuz etti,adam atnı sıyıra..
Curtnu barını tıbırı bar,kabırı bar,atı bar
Tuvgan cer dep taralgannı,basganı-car...
''İgi cora,boldu cara,av ccavlugum ne kördük,
Aytganları kertiyese,sen kebinlik men ölük,
Etgenleri tersdi...tersdi!!!
Cüregimde tüyümçek,ömürde de bolmaz cürek
Uçuzlukga ürençek..
Callı kibik açlık cetti,ahh kalınga ol cetsin,
Bir kabınga berdi ana,av cavluknu ne etsin?
Ol ne etsin?cavlugu da,birov kolda ''iç karaldı''
Közleri karangı etip,ana anga araldı..
Bir erttende terezeden,üvge uzaldı kün tayak,
''Teyri eşik açılgandı!!,költür ana bal ayak''
Curtun bla seni ortangda,köpür bolur cankılıç,
Sanlarıngı tire iynan,tüyüldü hapar cangılış''
Colga tebrey,av cavlugun,izleb tabıb ızına,
Satıp aldı,kalay ketsin,anı kısmay başına...
Kara eşmesi,kümüş çaluvu,küzgü kalay aldasın
Tersge ''terst'' dep aytılgan kün,
Ne dep kalay aldasın.
''Çille cavluk kuvanç belgi'',dep teşti ızına,
Berdi ana çıkdı colga,karamadı ızına,
Çıkdı kızda melek kibik,ak cavlukga bölenip,
Eski curtuna col saldı,anasıça köllenip...
Ananıça cavluknu da bardı ençi cazuvu,
Bardı iyesi,bardı kaçı,kuvançları,carsuvu...
Buşuvsuzda agaradı,zaman cetse çaç,
Sarı bolup tüşedile,kök caprakla kaç
Hiç yorum yok:
Yorum Gönder