ULLU CIYILUV

MEN
Dev taşladan karayma, kırk cıl sora Kiliysa
Ne bolgandı va sanga, nek bullay bir mudahsa
Ullu cıyılıv bardı, sanga külkü bolurça
Hay marca sen de koşul, bu külküge harhıga

KİLİYSA*
Üç cüz haneyedim men, çaçılıp da kettigiz
Oramlarım boş kaldı, meni carlı ettigiz
Kaytırsız dep sakladım, canıma da cettigiz
Endi betge süyelip, ne zat çalım etesiz

MEN
Tüz aytasa haklısa, bir sor nek koyduk kettik
Carlılıkdan kurtulup, bay bolur murad ettik
Okuduk, bay da bolduk, muratıbızga cetdik
Cılla sora da bolsa, cıyılıp sanga keldik

KİLİYSA
Sav keligiz alanla, ay sizle kurumagız :)
Manga kelgen esegiz, nek betlede turasız
Cuvuk bolup keligiz, Karasuvga karagız
Izıgızga aylanıp, üyügüznü saylagız

MEN
Uyaltıp turma alan, konakla da bardıla
Aylanırga izlesek, oramlarıng tardıla
Körmeymise bulanı, omak arbaladıla
Ogese cüregini, ola mı caradıla?

KİLİYSA
Caşcık tınç tur ceringde, caram bard cüregimde
Hılev bolup boşagant, atangı üyleri de
Yonan kelalmaganet, cıgalmazed ol kelse
Hayda bar endi toy et, dev taşlanı üsünde

MEN
Kölümça toy eterge, karuv mu koydung mende
Barı da seni bolsun, atamı üyleri de
Kırk cılda bir kelgenem, ot tıkdıng cüregime
Bilse bir Allah bilir, endi kaçan kelirme

KİLİYSA
Canıngı kıynama sen, razıma kaçan kelseng
Alay bir kuvannıkma, adam bolalıp kelseng
Çıng alga manga kelip, aruv bir salam berseng
Sora bir abdez alıp, kabırlaga tübeseng

MEN
Kalay aruvt sözlering, açı açı da bolsa
Endi cıyılalmabız, tavlarıng altın tolsa
Cıyılgan va cıyılad, dünya amanı bolsa
Köple va barrık bolmaz, Kafkas Kıral kuralsa

KİLİYSA
-Cıyılgan- koy daha bek, çaçılıb da barasız
Kalayda bolsagız da, sav bolup köp caşagız
Tanıgız birbirigizni, harip adam koymagız
Cuvuk ullu niymetdi, tartınıp uzak turmagız

MEN
İgi tüz aytasa da, dünya aman bolgandı
Ol gavur Açga Kıral, cesir tutgand koymaydı
Biz aşagannı aşap, endigile toymaydı
Sen nek kaygırasa, kırallık da kalmaydı

KİLİYSA
Atımı “Malya” salıp, Romalıla kuradı
Olanı üy cerleri, ma bavrumda turadı
Sizden alga da köple, mende aruv caşadı
Karaçaynı ketgeni, meni aşap boşadı
Bek süygenem Karaçay, açı sözüm andandı

MEN
Kesibiz ketsek de iynan, esibiz hep seniled
Seni suvungu içgen, “Karasuv” dep termiled
Bir burhuçuk da bolsa, adamıbız kalganed
Men de razıyem kaytsam, alay tınç bolalgayed
Hayda savkal endi sen, Ullu Allah seniled…

Mehmet KORKMAZOĞLU, Isparta/Türkiye, 26.01.2012

*Gökçeyayla Köyü/Han/Eskişehir/Türkiye

By: Mehmet Korkmazoğlu

 ·  ·  · January 26 at 4:02pm

• You, Mark Hubey, Ali İhsan Papan, Suat Önalan and 12 otherslike this.
• • 

    Kasım Akil kaysı elde cılaydı içindegi burhula unamasada tışından kelgenni kabırga salır adam kalmadı elde karaçay elleni kurganlanı kemikleri sızlay tüyüş uruş aldıla bolmaganlaga koydula bara tebresen üyallanı bölüşalmay barganıga razı bolmay.

    January 27 at 3:48pm ·  ·  3
  • 

    Burhan Yol Ol elde tuvup,alayda osup, kabirin alayda kurayalmaganlaga ,alayda kalgan kabirlarina barip bir fatiha okuyalmaganlaga Allah sabir bersin.Dunya kazavat herzatni allina ozgan bir zamanda casaybiz.

    January 28 at 6:29pm ·  ·  3