SÜYMEKLİK ALGIŞ :)

Mugur bolup kalama, sen esime kelgelley
Cılap koyarma tüzü, biri manga tiygelley.

Sora kıcrap kesimi, “Ket arı ullu kişi,
Cokmudu cüregingi, eter başga bir işi”

Izıbıla aylanıp, algış ete tebreyme
Eçgi iynat bolsang da, men kargışnı süymeyme.

Aruv caşa köp caşa, Allah ömrüngü bersin
Caşagan har kününgde, atım esinge kelsin.

Cüz cıl caşa erikmey, çaçların çımmak bolsun
Töppengde bir kara tük, meni esgerte tursun.

Aruv kızlarıng bolsun, savluk bıla caşasın,
Barı da künü kelip, birer “Mehmet”ge barsın

Cigit cigit caşlarıng, tolu üyle de bolsun,
Tuvduklarıngı barı, atları “Mehmet” bolsun

Ongung solung har canıng, “Mehmet” atıla tolsun
Meniça bek süysünle, sıyıng töpbemde bolsun.

Atımı ayta ayta, uzak ömrüng tavsulsun
Cering Cannet, honşung da, Sıylı Muhammed bolsun.


Mehmet KORKMAZOĞLU, 04.02.2012