‎** C I R ***

Murat Bağcı

Cır -caşavnu cazıdı
Süymeklikni carığı
Cır -zamannı caşıdı
Cigitleni coruğu..

Cır işgeda eltgendi
Cangan othada ata
Nasıplıda etgendi
Carsıtır üçün artta..

Cır -cerni kuvatıdı
Aşhıga coralana
Erlikni kanatıdı
Capsara caralanı..

Cır -beşik tebretedi
İllayu ete temirni
Çarhım töngeretedi
Kışta batgan ömürnü..

Toylada esirtedi
Kız betleni kızarta
Caşlıknı eskertedi
Boljallanı kısharta..

Bar muratha cetginçi
Tıyalmay avuş ne car
Ahır atlam etginçi
Col nögeribizdi cır..

Alay, şağatlarını
Canlarında barırdan
Colda muratlarını
Kim cetaldı barına..

Aşhı kavum etseda
Cır kaladı carsırğa
Cırçı ölüb ketse da
Cır kaladı caşarga.....

(Otarlanı KERİM 1912-1974)