NETERSE

NETERSE?
Kara agaçda kar bardı, terk cürüseñ, ceterse
Emen terek men bolub, cerge kirsem, neterse?

Emen terek sen bolub, cerge kirgen sen bolsañ
Citi balta men bolub, kesip alsam, neterse?

Citi balta sen bolub, kesip algan sen bolsañ
Saban temir men bolub, cerge kirsem, neterse?

Saban temir sen bolub, cerge kirgen sen bolsañ
Segiz ögüz men bolub, tartıb alsam, neterse?

Segiz ögüz sen bolub, tartıp algan sen bolsañ
Kök kögürçün men bolub, uçub ketsem, neterse?

Kök kögürçün sen bolub, uçub ketgen sen bolsañ
Sarı ilaçin men bolub, kuvub cetsem, neterse?

Sarı ilaçin sen bolub, kuvup cetgen sen bolsañ
Tarı bürtük men bolub, cayılışsam, neterse?

Tarı bürtük sen bolub, cayılışhan sen bolsañ
Balalı tavuk men bolub, çöbleb alsam, neterse?

Balalı tavuk sen bolub, çöbleb algan sen bolsañ
Kıyın avruv cabışıb, avrub catsam, neterse?

Kıyın avruv cabışıb, avrub cathan sen bolsañ
Bakgan ustañ men bolub, bagıb tursam, neterse?

Bakgan ustam sen bolub, bagıp turgan sen bolsañ
Közüv kelib, duniyadan ölüp ketsem, neterse?

Közüv kelib, duniyadan ölüp ketgen sen bolsañ
Ak kebiniñ men bolub, çulgab alsam, neterse?